Postular - vor 2012

Skiptingar

Af þeim 5.775 skiptingum sem koma til greina eru

• fyrst valdar þær 100 skiptingar þar sem leikmenn hafa verið sjaldnast saman
• af þeim eru svo valin sú skipting þar sem liðin eru jöfnust

Fyrir síðasta tíma eru fyrst teknar út allar skiptingar þar sem þrír efstu (sem geta unnið) eða þrír neðstu eru saman.

Ef varamenn koma inn er skipt aftur. Þegar varamenn eru valdir er byrjað á þeim sem oftast hafa mætt á þessu og síðasta tímabili, og ef fleiri en einn koma til greina er miðað við mætingu síðustu ár, þeas. Kalli, Svenni, Stefán og Þorgils.

Stigagjöf

Hver leikmaður fær stig síns liðs á hverju kvöldi.

Ef það vantar mann skiptast menn á að spila sem varamenn og fá stig úr sínum leikjum, ef einhver þarf að spila fleiri en einn leik fær hann meðaltal úr þeim leikjum sem hann spilar.

Sá sem ekki mætir fær 70% af meðaltali sínu úr öðrum tímum, ef leikmaður getur ekki spilað en mætir og dæmir fær hann 100%.

Leikmaður þarf að ná 2/3 mætingu til að geta unnið, td. 10 tíma af 14.

Sá sem ekki er mættur 7 mínútum fyrir tíma fær eitt stig í mínus, ef hann er ekki tilbúinn þegar tíminn byrjar bætast tvö mínusstig við.

Sá sem ekki mætir án þess að láta vita fyrir klukkan 20:00 fær tvö stig í mínus og fjögur til viðbótar ef hann lætur ekki vita fyrir tíma, miðað við 7 mínútur fyrir.

Fyrirkomulag

Við spilum fjórar umferðir með þrem liðum.

Hver leikur er 4 og hálf mínúta - hugsanlega þarf að stytta tíma í síðustu umferð.

Dómari / tímavörður lætur vita þegar mínúta er eftir.

Liðið sem hvílir leggur til dómara úr hópi postula - nema postuli í fríi sé mættur til dóm- tímagæslu.

Liðið sem hvílir leggur einnig til ritara.

"Bláir" og "grænir" byrja - "grænir" byrja með boltann.

Annars byrja þreyttir með boltann - "þreyttir" eru þeir sem voru að klára leik.

Liðið sem var að spila er áfram á sama vallarhelmingi.

Reglur

Fótboltareglur gilda þar sem annað er ekki tekið fram.

Tilnefndur markvörður má verja með höndum en ekki grípa eða halda bolta. Ekki má skipta um markvörð nema þegar bolti er úr leik.

Við notum ekki gul eða rauð spjöld - en brot sem rænir marktækifæri gefur mark.

Boltinn er úr leik ef hann fer aftur fyrri endalínu, í loftið, í drasl í loftinu eða upp fyrir riðla.

Það má skora hvaðan sem er innan við miðju og með skalla hvaðan sem er.

Sparkað er úr horni og innkasti. Eftir mark er byrjað með útsparki. Útspark er tekið úr kyrrstöðu innan vítateigs þannig að boltinn verður að fara út fyrir vítateig eða vera snertur af samherja.

Víti er tekið frá vítastriki.

Lið sem brotið er á má taka aukaspyrnu strax eða halda áfram.

Ef lið er lengur en 3 sekúndur að hefja leik fá andstæðingarnir boltann.